LEDICIA COSTA
Non foi doado para Isla mudar de cidade e empezar de cero nun novo
instituto. Devecía por dar un paseo polo espazo, avistando planetas a
través do telescopio, mergullada no ventre do universo. Casiopea, o nome
da tartaruga máxica de Momo, era o nick que empregaba nos foros sobre
astronomía nos que participaba adoito. Alí coñeceu a Xúpiter, alguén que
semellaba saber moito de estrelas. As longas conversas até ben entrada a
madrugada prenderan unha luz, entre os dous existía unha maxia que
traspasaba as fronteiras do ciberespazo. Isla sentiu a necesidade de
sabelo todo sobre Xúpiter: onde vivía, a que instituto ía, o seu nome
real... Quedaron para se coñecer nunha noite de San Xoán de cacharelas e
mar embravecido. Foi entón, despois de despedirse da súa amiga Mar,
cando Isla se precipitou na escuridade. A súa vida estaba a piques de
cambiar para sempre. Así é presentada esta novela de Ledicia Costa que aborda unha historia de amor e sedución no marco das redes sociais. O alumnado do noso club de 3ºESO ten exemplos a moreas: propios, alleos e outros máis mediáticos. O tema dá de si e dá conta de como a tecnoloxía ten atravesado -tamén- as nosas relacións afectivas.
Ver para crer! A ver se temos sorte e podemos cruzar impresións coa autora neste curso! Crucemos dedos!
Comentarios
Por outra parte tamén me gustou pola intriga xa que cando acabas de ler un capítulo tes a necesidade de continuar para saber o que vai pasar