EL AMOR ES UN CUENTO

Blanca Álvarez

A protagonista da novela vainos contando, en primeira persoa, como ela e o seu grupo de amigas, uns anos maiores, van pasando por diversas etapas persoais, en diferentes momentos da historia recente de España.

Pertencentes a unha clase social alta, todas estudan nun colexio dos chamados “de élite”, sentindo que as ‘preparan’ para cumplir co papel que a sociedade tiña pre-establecido para elas. Van despertando dese mundo de fantasía e, sendo como son intelixentes, van analizando o que pasa no seu interior a medida que van descubrindo o que sucede no mundo real. Un mundo cambiante e menos amable do que lles contaran e  para o que en realidade non estaban tan preparadas.

A amizade e o amor que van atopando xogan un papel importante nas súas vidas e na súa evolución persoal, sobre todo cando se atopan con que aquel ‘príncipe azul’ soñado non é tan príncipe nin tan azul...

No libro hai referencias á sociedade española dos anos 60 e anteriores: Edith Piaf, Beatles, Moustaki... e aos cambios tan importantes que se produciron neste pais en pouco tempo: os movimentos estudiantis, a chegada da democracia... 
  Blanca Álvarez naceu en Asturias e é licenciada en Filoloxía Española e diplomada en Traballo Social. Traballou como xornalista de deportes no diario As durante dous anos.
Logo de escribir poesía e novelas para adultos, entrou no mundo da Literatura Xuvenil, na que leva acadados moitos premios, o  último, o Premio Anaya, fai poucos días.
Agora imparte cursos a profesores de lingua e literatura e a alumnos de Secundaria, e segue a escribir novelas para mozos e mozas.
Podes ler unha entrevista con ela aquí.