O can dos Baskerville 


o can dos baskerville-arthur conan doyle-9788497825979É unha nova aventura de Sherlock Holmes na que o enigma, o elemento central da historia, presenta características realmente interesantes, porque ó feito criminal vén a sumárselle unha maldición, unha lenda familiar, que envolve todo nun ambiente misterioso e fantástico. O gradual desenvolvemento da acción vai levando cara a unha explicación sobrenatural dos feitos, ata que finalmente o labor do detective conclúe coa explicación natural e lóxica do crime e de toda a cadea de pequenas incógnitas que se nos foron presentando.



Arthur Conan Doyle
Arthur Conan Doyle




Foi médico, novelista e escritor de novelas policíacas, creador do inesquecible mestre de detectives Sherlock Holmes.
Conan Doyle naceu o 22 de maio de 1859 en Edimburgo e estudou nas universidades de Stonyhurst e de Edimburgo, nesta última estudou medicina desde 1876 ata 1881. En xuño de 1882, mudouse a Portsmouth. Estando aí, instalou unha clínica. Ao principio non lle foi moi ben con ela, polo que no seu tempo libre comezou a escribir historias novamente. Tivo tanto éxito ao comezo da súa carreira literaria que en cinco anos abandonou a práctica da medicina e dedicouse de maneira total á escritura. O seu primeiro traballo destacado foi "Estudo en escarlata", onde o autor crea ao máis famoso detective de ficción, Sherlock Holmes, que se publicou en 1887. O autor baseouse nun profesor que coñeceu na universidade para crear ao personaxe de Holmes coa súa enxeñosa habilidade para o razoamento deductivo. Igualmente excepcionais son as creacións dos personaxes que lle acompañan: o seu amigo bondadoso e torpe, o doutor Watson, que é o narrador dos contos, e o archicriminal profesor Moriarty.











Comentarios

Nerea Santos 3ºA ha dicho que…
Este libro pareceume moi interesante e moi emocionante xa que me mantivo entretida dende o comezo da letura. Algo que non me gustou foi que me pareceu algo liosa a trama. A pesar diso eu recomendaría este libro.
Helena 3ºA ha dicho que…
Este libro gustoume polo tema de misterio e investigación que se trataba. Pareceume algo difícil de seguir os fíos.
María Lema 3ºA ha dicho que…
A pesar que o lein a medias , pareceume un libro intrigante, algo lioso, pero si que me gustou.
Jose V. 3ºB ha dicho que…
Este libro é moi completo, cheo de intriga e cun equilibrio entre previsibilidade en que o final todas as pezas encaixan.
Laura Paredes ha dicho que…
Este libro gustoume xa que a min persoalmente, gústanme os libros de misterio en especial os de Sherlock Holmes, tamén me gustou o desenlace de todo o libro ainda que no final foi un pouco lioso.